89. மருதம்

	பா அடி உரல பகுவாய் வள்ளை
	ஏதில் மாக்கள் நுவறலும் நுவல்ப;
	அழிவது எவன்கொல், இப் பேதை ஊர்க்கே?-
	பெரும் பூண் பொறையன் பேஎம் முதிர் கொல்லிக்
	கருங் கட் தெய்வம் குடவரை எழுதிய
	நல் இயல் பாவை அன்ன இம்
	மெல் இயல் குறுமகள் பாடினள் குறினே.	உரை

128. நெய்தல்

	குண கடல் திரையது பறை தபு நாரை
	திண் தேர்ப் பொறையன் தொண்டி முன்துறை
	அயிரை ஆர் இரைக்கு அணவந்தாஅங்குச்
	சேயள் அரியோட் படர்தி;
	நோயை-நெஞ்சே!-நோய்ப் பாலோயே.	உரை