335

	அடல் அருந் துப்பின்....................
	...................குருந்தே முல்லை என்று
	இந் நான்கு அல்லது பூவும் இல்லை;
	கருங் கால் வரகே, இருங் கதிர்த் தினையே,
5	சிறு கொடிக் கொள்ளே, பொறி கிளர் அவரையொடு,
	இந் நான்கு அல்லது உணாவும் இல்லை;
	துடியன், பாணன், பறையன், கடம்பன், என்று
	இந் நான்கு அல்லது குடியும் இல்லை;
	ஒன்னாத் தெவ்வர் முன் நின்று விலங்கி,
10	ஒளிறு ஏந்து மருப்பின் களிறு எறிந்து வீழ்ந்தென,
	கல்லே பரவின் அல்லது,
	நெல் உகுத்துப் பரவும் கடவுளும் இலவே.