353

	ஆசு இல் கம்மியன் மாசு அறப் புனைந்த
	பொலம் செய் பல் காசு அணிந்த அல்குல்,
	ஈகைக் கண்ணி இலங்கத் தைஇ,
	தருமமொடு இயல்வோள் சாயல் நோக்கி,
5	தவிர்த்த தேரை, விளர்த்த கண்ணை,
	வினவல் ஆனா வெல் போர் அண்ணல்!
	'யார் மகள்?' என்போய்; கூறக் கேள், இனி:
	குன்று கண்டன்ன நிலைப் பல் போர்பு
	நாள் கடா அழித்த நனந் தலைக் குப்பை
10	வல் வில் இளையர்க்கு அல்கு பதம் மாற்றாத்
	தொல் குடி மன்னன் மகளே; முன்நாள்
	கூறி வந்த மா முது வேந்தர்க்கு
	.........................................................................................................
	............................................. உழக்கிக் குருதி ஓட்டி,
15	கதுவாய் போகிய துதி வாய் எஃகமொடு,
	பஞ்சியும் களையாப் புண்ணர்,
	அஞ்சுதகவு உடையர், இவள் தன்னைமாரே.