13

	'இவன் யார்?' என்குவை ஆயின், இவனே
	புலி நிறக் கவசம் பூம் பொறி சிதைய,
	எய் கணை கிழித்த பகட்டு எழில் மார்பின்,
	மறலி அன்ன களிற்று மிசையோனே;
5	களிறே, முந்நீர் வழங்கு நாவாய் போலவும்,
	பல் மீன் நாப்பண் திங்கள் போலவும்,
	சுறவினத்து அன்ன வாளோர் மொய்ப்ப,
	மரீஇயோர் அறியாது, மைந்து பட்டன்றே;
	நோய் இலன் ஆகிப் பெயர்கதில் அம்ம!
10	பழன மஞ்ஞை உகுத்த பீலி
	கழனி உழவர் சூட்டொடு தொகுக்கும்,
	கொழு மீன், விளைந்த கள்ளின்,
	விழு நீர் வேலி நாடு கிழவோனே.