63

	எனைப் பல் யானையும் அம்பொடு துளங்கி,
	விளைக்கும் வினை இன்றிப் படை ஒழிந்தனவே;
	விறல் புகழ் மாண்ட புரவி எல்லாம்
	மறத் தகை மைந்தரொடு ஆண்டுப் பட்டனவே;
5	தேர் தர வந்த சான்றோர் எல்லாம்,
	தோல் கண் மறைப்ப, ஒருங்கு மாய்ந்தனரே;
	விசித்து வினை மாண்ட மயிர்க் கண் முரசம்,
	பொறுக்குநர் இன்மையின், இருந்து விளிந்தனவே;
	சாந்து அமை மார்பில் நெடு வேல் பாய்ந்தென,
10	வேந்தரும் பொருது, களத்து ஒழிந்தனர்; இனியே,
	என் ஆவதுகொல்தானே கழனி
	ஆம்பல் வள்ளித் தொடிக் கை மகளிர்
	பாசவல் முக்கி, தண் புனல் பாயும்,
	யாணர் அறாஅ வைப்பின்
15	காமர் கிடக்கை அவர் அகன் தலை நாடே?