120

	வெப்புள் விளைந்த வேங்கைச் செஞ் சுவல்
	கார்ப் பெயல் கலித்த பெரும் பாட்டு ஈரத்து,
	பூழி மயங்கப் பல உழுது, வித்தி,
	பல்லி ஆடிய பல் கிளைச் செவ்விக்
5	களை கால் கழாலின், தோடு ஒலிபு நந்தி,
	மென் மயில் புனிற்றுப் பெடை கடுப்ப நீடி,
	கருந் தாள் போகி, ஒருங்கு பீள் விரிந்து,
	கீழும் மேலும் எஞ்சாமைப் பல காய்த்து,
	வாலிதின் விளைந்த புது வரகு அரிய,
10	தினை கொய்ய, கவ்வை கறுப்ப, அவரைக்
	கொழுங் கொடி விளர்க் காய் கோட் பதம் ஆக,
	நிலம் புதைப் பழுனிய மட்டின் தேறல்
	புல் வேய்க் குரம்பைக் குடிதொறும் பகர்ந்து,
	நறு நெய்க் கடலை விசைப்ப, சோறு அட்டு,
15	பெருந்தோள் தாலம் பூசல் மேவர,
	வருந்தா யாணர்த்து; நந்தும்கொல்லோ
	இரும் பல் கூந்தல் மடந்தையர் தந்தை
	ஆடு கழை நரலும் சேட் சிமை, புலவர்
	பாடி ஆனாப் பண்பின் பகைவர்
20	ஓடு கழல் கம்பலை கண்ட
	செரு வெஞ் சேஎய் பெரு விறல் நாடே!