178

	கந்து முனிந்து உயிர்க்கும் யானையொடு, பணை முனிந்து
	கால் இயல் புரவி ஆலும் ஆங்கண்,
	மணல் மலி முற்றம் புக்க சான்றோர்
	உண்ணார் ஆயினும், தன்னொடு சூளுற்று,
5	'உண்ம்' என இரக்கும் பெரும் பெயர்ச் சாத்தன்
	ஈண்டோ இன் சாயலனே; வேண்டார்
	எறி படை மயங்கிய வெருவரு ஞாட்பின்,
	கள்ளுடைக் கலத்தர் உள்ளூர்க் கூறிய
	நெடுமொழி மறந்த சிறு பேராளர்
10	அஞ்சி நீங்கும்காலை,
	ஏமமாகத் தான் முந்துறுமே.