257

	செருப்பு இடைச் சிறு பரல் அன்னன்; கணைக் கால்,
	அவ் வயிற்று, அகன்ற மார்பின், பைங் கண்,
	குச்சின் நிரைத்த குரூஉ மயிர் மோவாய்,
	செவி இறந்து தாழ்தரும் கவுளன், வில்லொடு,
5	யார்கொலோ, அளியன்தானே? தேரின்
	ஊர் பெரிது இகந்தன்றும் இலனே; அரண் எனக்
	காடு கைக் கொண்டன்றும், இலனே; காலை,
	புல்லார் இன நிரை செல் புறம் நோக்கி,
	கையின் சுட்டிப் பையென எண்ணி,
10	சிலையின் மாற்றியோனே; அவைதாம்
	மிகப் பலவாயினும், என் ஆம் எனைத்தும்
	வெண் கோள் தோன்றாக் குழிசியொடு,
	நாள் உறை மத்து ஒலி கேளாதோனே?