225

	தலையோர் நுங்கின் தீம் சேறு மிசைய,
	இடையோர் பழத்தின் பைங் கனி மாந்த,
	கடையோர் விடு வாய்ப் பிசிரொடு சுடு கிழங்கு நுகர,
	நில மலர் வையத்து வல முறை வளைஇ,
5	வேந்து பீடு அழித்த ஏந்து வேல் தானையொடு,
	'ஆற்றல்' என்பதன் தோற்றம் கேள், இனி:
	கள்ளி போகிய களரிஅம் பறந்தலை,
	முள்ளுடை வியன் காட்டதுவே 'நன்றும்
	சேட்சென்னி நலங்கிள்ளி கேட்குவன்கொல்?' என,
10	இன் இசைப் பறையொடு வென்றி நுவல,
	தூக்கணங் குரீஇத் தூங்கு கூடு ஏய்ப்ப
	ஒரு சிறைக் கொளீஇய திரி வாய் வலம்புரி,
	ஞாலங் காவலர் கடைத்தலை,
	காலைத் தோன்றினும் நோகோ யானே.