60

	முந்நீர் நாப்பண் திமில் சுடர் போல,
	செம்மீன் இமைக்கும் மாக விசும்பின்
	உச்சி நின்ற உவவு மதி கண்டு,
	கட்சி மஞ்ஞையின் சுரமுதல் சேர்ந்த,
5	சில் வளை விறலியும், யானும், வல் விரைந்து,
	தொழுதனெம் அல்லமோ, பலவே கானல்
	கழி உப்பு முகந்து கல் நாடு மடுக்கும்
	ஆரைச் சாகாட்டு ஆழ்ச்சி போக்கும்
	உரனுடை நோன் பகட்டு அன்ன எம் கோன்,
10	வலன் இரங்கு முரசின் வாய் வாள் வளவன்,
	வெயில் மறைக் கொண்ட உரு கெழு சிறப்பின்
	மாலை வெண் குடை ஒக்குமால் எனவே?