98

	முனைத் தெவ்வர் முரண் அவியப்
	பொரக் குறுகிய நுதி மருப்பின் நின்
	இனக் களிறு செலக் கண்டவர்
	மதில் கதவம் எழுச் செல்லவும்,
5	பிணன் அழுங்கக் களன் உழக்கிச்
	செலவு அசைஇய மறுக் குளம்பின் நின்
	இன நல் மாச் செலக் கண்டவர்
	கவை முள்ளின் புழை அடைப்பவும்,
	மார்புறச் சேர்ந்து ஒல்காத்
10	தோல் செறிப்பு இல் நின் வேல் கண்டவர்
	தோல் கழியொடு பிடி செறிப்பவும்,
	வாள் வாய்த்த வடுப் பரந்த நின்
	மற மைந்தர் மைந்து கண்டவர்
	புண் படு குருதி அம்பு ஒடுக்கவும்,
15	நீயே, ஐயவி புகைப்பவும் தாங்காது, ஒய்யென,
	உறுமுறை மரபின் புறம் நின்று உய்க்கும்
	கூற்றத்து அனையை; ஆகலின், போற்றார்
	இரங்க விளிவதுகொல்லோ வரம்பு அணைந்து
	இறங்குகதிர் அலம்வரு கழனி,
20	பெரும் புனல் படப்பை, அவர் அகன் தலை நாடே!