(இ-ள்.) மன்னன் மாமயில் சூகரம் - மன்னனும் மயிலும் பன்றியுமாயிருந்த உயிர், வார்புனல் - (உஞ்சயினி நகரின் புறத்தில் ஓடும்) மிக்க நீரினால், இன்னல் செய்யும் - துன்பந்தரும், சிருப்பிரை யாற்றினுள் - சிருப்பிரை என்னும் யாற்றில், உன்னும் - நினைக்கத்தக்க, ஒப்புஇல் - --, உலோகித இப்பெயர் மன்னம்  - உலோகிதம் என்னும் இந்தப் பெயரைக் கொண்ட, மீனின் வடிவினதாயிற்று - மீனாகப் பிறந்தது.

முள்ளம் பன்றி, உஞ்சயினியின் அருகில் ஓடும் சிருப்பிரை யாற்றில் உலோகித மென்னும் மீனாகப் பிறந்ததென்க.

உலோகிதம்-சிவப்பு. சிருப்பிரையாறு, வடமொழியில் சிப்ராநதி என்று வழங்கும்.  ‘உஞ்சயினிப் புறத்தாறு‘ என்பர் (200) முன்னர்.               (19)

சந்திரமதியாகிய நாகம் (3வது) முதலையாகப் பிறத்தல்

(இ-ள்.) சந்திரமதி முந்து நாய் கருநாகமாய் - சந்திரமதி முன்னே நாயும் கருநாகமுமாக, சென்று -பிறந்து இப்போது, முதலையது ஆயது - (அவ்யாற்றில்)  முதலையாய்ப் பிறந்த அது. வெந்து வேர்த்து - (முன் கரும்பாம்பாயிருந்த தன்னைக் கொன்ற சினத்தால்) வெதும்பி வைரங் கொண்டு, இன மீனை - சிறந்த உலோகித மீனை விழுங்குவான் - விழுங்கவேண்டி, உந்தி உந்தி உளைந்திடு

போழ்தினில் - நகர்ந்து நகர்ந்து (அதனைப் பிடிக்கவியலாது) வருந்துஞ் சமயத்தில். (எ-று.)

வைரத்தால் முதலை மீனை விழுங்க முயன்ற தென்க. உந்துதல் - ஈண்டு நகர்தல்.  ஆயது, பெயர்.                               (20)