கொலோ - மகிழ்ந்த பலன்தானோ!    பாவி நின் உரு - பாவியாகிய நின் உருவம், இன்னணம் ஆயது - (தொழு நோயால்)  இவ்விதம் மாறியது; பாவி - பாவியே, என்னையும் இன்னணம் பற்றினை - என்னையும் இவ்விதம் வதைக்கப்பிடித்தனை.

ஆடு, தேவியே நீ பாகனால் நோயுற்று இப்பொழுது என்னையும் கொல்லக் கொணர்வித்தாயே யென்றதென்க.

முனிந்தனை, முற்றெச்சம், இன்னவண்ணம் என்பது இன்னணம் என்று மருவிற்று.  பாவி என்னையும் என்பதற்கு, பாவியாகிய என்னையும் என்றும் பொருள் கூறலாம்.

    (இ-ள்.) வஞ்சனை மடவாய் - வஞ்சகமுள்ள இளையோய், அன்னையோடு என்னை - என் தாயோடு என்னையும், நஞ்சில் நலிந்தனை - விஷத்தால் மடித்தாய்;  எஞ்சல் இல்சினம் - குறைதலில்லாத நின் செற்றம், இன்னம் இறந்திலை - இன்னமும் விட்டாய் இல்லை; மயிடம் அது துஞ்சும் நின்வயிற்று - எருமையின் தசை தங்கியிருக்கும் நினது வயிற்றுள், என்னையும் சூழ்தியோ - என்னையும் சேர்க்க ஆலோசனை செய்கின்றாயோ! (எ-று.)

    முன்னைப்போல் மீண்டும் மடிக்கக் கருதுகின்றனையோ என்று ஆடு எண்ணிற்றென்க.

இறத்தல் - கடத்தல்; விடுதல்.  சூழ்தல், கருதுதல். துஞ்சுதல் - தங்குதல்; ‘வலி துஞ்சு தடக்கை‘ என்பதுபுறம்.  யசோதரனாகிய ஆடு சேடியர்கூற்றால், அரசி எருமையூனை உண்டதனை அறிந்து கூறிற்றென்க.                    (61)