பாங்கற் கூட்டத்தின்வகை

836. நினைதலும் வினாதலு முற்ற துரைத்தலும்
     கழறன் மறுத்தலுங் கவன் றுரைத்தலும்
     வலியழி வுரைத்தலும் விதியொடு வெறுத்தலும்
     நொந்து கூறலு நோத னீங்கி
     இயலிடங் கேட்டலு மியலிடங் கூறலும்
     வற்புறுத் தலுங்குறி வழிச்சேறல் காண்டலும்
     வியந்து ரைத்தலு மெல்லிய றன்னைக்
     கண்டமை கூறலுங் கருத்துக் கேற்பச்
     செவ்வி செப்பலு மவ்விடத் தேகலும்
     ஈங்கிவை நிற்ப விடந்தலை தனக்கும்
     ஆங்கவண் மெலிதலும் பொழில்கண்டு மகிழ்தலும்
     நீங்கா மகிழ்வொடு நிலைகண்டு வியத்தலுந்
     தளர்வகன் றுரைத்தலு மொழிபெற வருந்தலுங்
     கண்புதைக்க வருந்தலு நாண்விட வருந்தலும்
     நண்பொடு சென்றுபோய் நன்மருங் கணைதலும்
     இன்றியமை யாமை யியம்பலு மாய்த்
     துய்த்தலு நின்று வருந்தலும் பிறவுந்
     துன்று பாங்கற் றுறையென மொழிப. 

(திருக்கோவையார் -உரைச் சூத்திரம்)