ஏனைய திரிந்து வருதல்

128. ஏனைய வெழுத்துக ளெல்லாந் திரியும்.

(இ-ள்.) இவையொழிய மற்றைய வெழுத்துக்களெல்லாந் திரிந்துவந்து
வடமொழியாகும். (14)

ஐ யகரமாகத் திரிதல்

129. அவற்றுள்,
     எட்டா மெய்யே யகார மாகும்.

(இ-ள்.) மேற்கூறிப் போந்தவற்றுள் எட்டாவது மெய்யாகிய ஐ-யகரமாகத் திரியும்.

(வ-று.) பங்கயம். (15)

ஸ சகரமாகவும் யகரமாகவும் திரிதல்

130. ஆறைந் தாமெய் சயவா கும்மே.

(இ-ள்.) முப்பதா மெய்யாகிய ஸ முதலிற் சகரமும் நடுவில் யகரமுமாகத் திரியும்.

(வ-று.) சாலை, மயானம், (16)

ஷ சகரமாகவும் டகர மாகவும் திரிதல்

131. ஒருமுப் பானொன் றுடல்சட வாகும்.

(இ-ள்.) முப்பத்தொன்றா மெய்யாகிய ஷ முதலிற் சகரமும், நடுவில் டகரமுமாகத்
திரியும்.

(வ-று.) சட்டி, இடபம். (17)

ஸ சகரமாகவும் தகரமாகவும் திரிதல்

132. ஆறைந் திரண்டுட லாகுஞ் சதவே.

(இ-ள்.) முப்பத்திரண்டா மெய்யாகிய ஸ முதலிற், சகரமும், நடுவில் தகரமுமாகத்
திரியும்.

(வ-று.) சித்தி, வாதனை. (18)

ஹ அகரமாகவும் ககரமாகவும் திரிதல்

133. ஆகுமுப் பான்மூன் றாக்கை யகவே.