291

பண்புப்பெயர் விகுதிகள்

பிறவினைப் பகுதிகள்

தன்வினைக்கும் பிறவினைக்கும் பொதுவாகிய தேய் முதலிய பகுதிகள் தன்வினையில் தேய்ந்தான் என மெல்லொற்று அடுத்தும், பிறவினைக்கண் தேய்த்தான் என வல்லொற்று அடுத்தும் வருமாறு காண்க.

விடு, ஒழி என்பன துணிவுப் பொருள்தரும்; செய்து விட்டான், செய்தொழிந்தான் எனவரும்.

கொள்விகுதி தற்பொருட்டுப் பொருள் தரும்; அடித்துக் கொண்டான் எனவரும்.

படு, உண் என்பன செயப்பாட்டுவினைப் பொருள் தரும் கட்டப்பட்டான், கட்டுண்டான் எனவரும்.

மைவிகுதி தன்மைப்பொருள் தரும்: ஆண்மை பெண்மை எனவரும்.

இரு, இடு என்பன பகுதிப்பொருள் விகுதிகளாம்; எழுந்திருந்தான், உரைத்திடுகின்றான் எனவரும்.