கிளைபா ராட்டும் கடுநடை வயக்களிறு
    முளைதருபு ஊட்டி வேண்டுகுளகு அருத்த
    வாள்நிற உருவின் ஒளிறுபு மின்னிப்
    பரூஉஉறைப் பல்துளி சிதறிவான் நவின்று
    பெருவரை நளிர்சிமை அதிர வட்டித்துப்
    புயல்ஏறு உரைஇய வியல்இருள் நடுநாள்
    விறல்இழைப் பொலிந்த காண்புஇன் சாயல்
    தடைஇத் திரண்டநின் தோள்சேர்பு அல்லதைப்
    படாஅ ஆகும்எம் கண்என நீயும்
    இருள்மயங்கு யாமத்து இயவுக்கெட விலங்கி
    வரிவயங்கு இரும்புலி வழங்குநர்ப் பார்க்கும்
    பெருமலை விடர்அகம் வரவுஅரிது என்னாய்
    வரவுஎளி தாக எண்ணுதி அதனால்
    நுண்ணிதின் கூட்டிய படுமாண் ஆரம்
    தண்ணிது கமழும் நின்மார்பு ஒருநாள்
    அடைய முயங்கேம் ஆயின் யாமும்
    விறல்இழை நெகிழச் சாய்தும் அதுவே
    அன்னை அறியினும் அறிக அலர்வாய்
    அம்பல் மூதூர் கேட்பினும் கேட்க
    வண்டுஇறை கொண்ட எரிமருள் தோன்றியொடு
    ஒண்பூ வேங்கை கமழும்
    தண்பெருஞ் சாரல் பகல்வந் தீமே.                   அகநா. 218

    வண்டுபடத் ததைந்த கண்ணி ஒண்கழல்
    உருவக் குதிரை மழவர் ஓட்டிய
    முருகன் நற்போர் நெடுவேள் ஆவி
    அறுகோட்டு யானைப் பொதினி ஆங்கண்
    சிறுகா ரோடன் பயினொடு சேர்த்திய