உரிப்பொருட்கு உரிய தலைமக்கள் பெயராவன, பெயர்ப் பெயரும்
 நாட்டாட்சிபற்றி வரும் பெயருமாம். குறிஞ்சிக்கு வெற்பன் சிலம்பன்
 பொருப்பன் கொடிச்சி. பாலைக்கு மீளி விடலைகாளை. முல்லைக்கு
 அண்ணல் தோன்றல் குறும்பொறை நாடன் மனைவி. நெய்தற்குக்
 கொண்கன் துறைவன் சேர்ப்பன் மெல்லம்புலம்பன். மருதத்திற்கு மகிழ்நன்
 ஊரன் மனையோள்.                                            21

     இது முதற்பொருள் முதலிய மூன்றற்கும் ஆவது ஒரு புறனடை
 கூறுகின்றது, தமக்கு உரியவற்றோடன்றிப் பிறவற்றோடும் மயங்கும்
 என்றலின்.

     இ-ள் :முதல் கரு உரி என்னும் மூன்று கூற்றவாகிய பொருளும்
 தமக்குத்தமக்கு உரிய திணையொடுகூடி இலக்கண முறையானே வாராது
 பிறவற்றிற்கு உரிய திணையொடு கூடி மயங்கி வருதலும் உரியவாம் எ-று.

     "மரபின் வாராது" என்ற மிகையானே, நிலம் என்னும் முதற் பொருள்
 ஒழித்து ஏனையவே மயங்கி வரும் எனக் கொள்க.

   வரலாறு:

    இக் குறுந்தொகையுள் பாலைக்கு உரிய வேனில் வந்த தூஉம்,