தலைவியும் தலைவனோடு புனலாடற்கும் பொழிலில் விளையாடற்கும்
 சேறலும் உண்டேனும், அஃது ஒரோவழி நிகழ்வது; பரத்தையுடன்
 புனலாடலும் பொழில் விளையாடலுமே பெரும்பான்மை என்பது அறிக.

 "ஏராடு சிந்துர"-

     தலைவன் பரத்தையருடன் அவர்தம் அழகிய சிந்துரத்திலகமிட்ட நுதல்
 வேர்வை துளிப்பவும், கண்கள் சிவப்பவும் அவன் அணிந்த மாலையைச்
 சூடிய அவர்கள் கூந்தல் ஆடவும், அவனோடு குரவையாடிப் பின்
 சிவிறியால் நீரைத்தூவி விளையாடற்கு யாற்றில் புதுப்புனல் வந்தது
 என்றவாறு.

 "குருகோடு கம்புள்"-

     குருகுகளும் கம்புள்களும் ஆகிய பறவைகள் ஆரவாரித்து நீங்கவும்,
 யாற்றின் இருகரைகளிலும் மள்ளர்