பொருந்திய நட்பினையும், மயில் இயலினையும், செறிஎயிற்றினையும் உடைய
 இத்தலைவியின் கூந்தலைவிட மணம் கமழும் பூக்களாக நீ அறிந்தன
 உளவாயின் கூறு.]

     தெய்வத்திறம் பேசல்:

 எனவும்,

     [இமையாத முக்கண்களைச் சூரியன் சந்திரன் செந்தீக் கடவுள்
 இவர்களால் பெற்ற சிற்றம்பலவனின் பொழிற்கண், மணமலர் சூடிய
 கூந்தலை உடையாய்! முயற்சியும் உளப்பாடும் இன்றித் தேவராலே பெற்ற
 நம் அழகிய மணத்தை வாய்ப்புப்பெற்றுச் சிதைப்பார் ஒருவரும் இரார்;
 ஆதலின் நீ வாடித் துன்புறுதல் வேண்டா.]

     பிரியேன் என்றல்:

 எனவும்,

     [மான் விழியை உடைய மயில்போல்வாய்! திருவே! சிந்தாமணியும்
 அமுதமும் இறைவன் அருளால் கிடைக்கப் பெறின், அவை பெற்றவனால்
 இகழப்படுமோ? அவற்றை ஒத்த சிறப்புடைய நின்னை யான் பிரிந்து
 ஆற்றியிரேன். ஆதலின் நீ மனம் மயக்கம் உற்று என்னைவாட்டுவது ஏன்?]