இது நிறுத்த முறையானே பாங்கியின் கூட்டத்தின் வகை இத்துணைத்து
 என்கின்றது.
     இ-ள் இரந்து பின்நிற்றல் முதலாக வேட்டல் ஈறாகச் சொல்லப்பட்ட
 பன்னிரண்டு வகையினை உடைத்தாம் பாங்கியின் கூட்டம் என்றவாறு.  136

 1  தலைவன் தோழியை இரந்து பின்நிற்றல்.
 2  தோழி தலைவனை அகற்ற முயறல்.
 3  தலைவன் மடல் ஏறுவதாகக் கூறல்.
 4  தோழி மடலேறுதலை விலக்குதல்.
 5  தோழி தலைவன் குறையை முடிப்பதற்கு உடன்படல்.
 6  தலைவன் மடலேறுவதாகக் கூறுவதனைத் தவிர்தல்.
 7  தலைவன் குறையைத் தலைவி விரும்பி ஏற்றுக்கொள்ளுமாறு தோழி
    கூறல்.
 8  தலைவி தோழிகூற்றுக்கு உடன்பட்டு விரும்புதல்.
 9  தலைவியைத் தலைவனிடம் சேர்ப்பித்தல்.
 10  தலைவன் தலைவியைக் கூடல்.
 11  தோழி தலைவியை ஆயவெள்ளத்தில் கொண்டுசேர்த்தல்.
 12  தலைவன் அன்று தலைவி இல்லில் விருந்தினனாக வருதற்கு
    விரும்புதல்.