:: TVU ::

"பாங்கனோரின்" (இறை கள. 3) என்றதொடரால், முதல்முதல்
இருவகைப்பாங்கர் இறையனார்களவியல் உரையிலேயே சுட்டப் படுகின்றனர்.

ஒத்த நூற்பாக்கள்

பாகன் தொழில்கள்

470 சேயிழைக் கிழத்தியை வாயில் வேண்டலும்
     வாயில்நேர் வித்தலும் வயங்குதுனி தீர்த்தலும்
     வினைமுடித் ததன்பின் வியன்பதி சேய்த்துஎன
     இனைவோற் றேற்றலும் பாகற்கு இயல்பே.

இது பாகற்கு உரியனஎல்லாம் தொகுத்து உணர்த்துகின்றது.

இ-ள் தலைமகளை வாயில்வேண்டல் முதலாகச் சொல்லப்பட்டன
எல்லாம் பாகற்கு இயல்பாம் என்றவாறு. 98

    "கிழவி நிலையே வினைஇடத்து உரையார்
     வென்றிக் காலத்து விளங்கித் தோன்றும்."       தொல். பொ. 186

    "வினைவயின் பிரிந்தோன் மீண்டுவரு காலை
     இடைச்சுர மருங்கின் தவிர்தல் இல்லை."                  " 194

இவ்விதிகளால் தலைவன் வினைமுற்றிய பிறகே தலைவியின் நினைவு
மேலிட்டுச் சுரத்திடைக் காலம் தாழ்த்தாது மீண்டு வருதலை விரும்புவான்
என்பதும், மீட்சிக்குப் பாகன் மிகவும் உதவுவான் என்பதும் கொள்க.