என வரும்.

     [உலகறிந்த உபமானத்தை உபமேயமாகவும், உபமேயத்தை உபமானமாகவும்
 குறிப்பிடுவது விபரீத உவமையாம். தாமரை, கயல், மயில், கொடி என்பன உபமானப்
 பொருள்கள். முகம், கண், இயல், இடை என்பன உபமேயப் பொருள்கள்.
 அங்ஙன மாகவும் அவற்றின் நிலையை மாற்றித் "தலைவியின் முகம் போலத் தாமரை
 மலரும்; கயல் மீன்கள் அவளுடைய கரிய நெடிய கண்கள் போலும்; அவள் இயல்
 போன்ற இயலுடையது மயில்; அவள் இடைபோலத் துவளுவது கொடி; நாம் போம்
 வழி மயக்கம் தருவது போலும்" - என்ற இப்பாடலில், உபமேயங்கள்
 உபமானமாகவும் உபமானங்கள் உபமேயமாகவும் வந்துள்ளமை காண்க.]