என வரும்.

     [உபமேயமும் உபமானமும் ஒன்று என்று மாட்டெறியும் சொல் "ஆகிய" என்பது.
 அச்சொல் மறைய உபமேயமும் உபமானமும் இணைந்து இருபெயரொட்டாக
 அமைவது தொகை உருவகமாம்.

     "நண்பா! கையாகிய மலரும் அடித்தளிரும் கண்களாகிய வண்டும்
 கொங்கையாகிய மொட்டும் கூந்தலாகிய மேகமும் பொருந்திய விருப்பம்தரும்
 கொடி ஒன்றனிடத்து எனக்கு ஏற்பட்ட காதல் கரைகடந்தது" - என்று தலைவன்
 தன்நிலையைப் பாங்கனிடம் சாற்றியதாக அமையும் இப்பாடலில், கை மலர்,
 அடித்தளிர், கண்வண்டு, கொங்கை முகிழ் குழற்கார் என்பன உருவக உருபு
 இடை வரப்பெறாமையால் தொகை உருவகங்களாம்.