[ஒரு பொருளை மற்றொரு பொருளாக உருவகம் செய்தும், உருவகம்
 செய்வதற்கு ஏலாப் பெற்றிகளை எடுத்துரைப்பது விரூபகமாகும், விரூபகம் - உருவகம்
 செய்தற்கு ஏலாதது. அம்புயம் மதிக்குத் தோற்கும்; குளத்தில் தங்கும்; முள் தங்கிய
 தண்டின்மேல் மலரும்; பகலில் மலர்ந்து இரவில் கூம்பும். ஆனால் இப்பெண்ணின்
 முகத்தாமரை மதிக்குத் தோற்காது; குளத்தில் தங்காது; முள் நிரம்பிய தண்டின்மேல்
 மலராது; பகல் இரவு என்ற இருபோதும் அழகாக மலர்ந்து காணப்படும் - என்ற
 இப்பாடலில், முகத்தைத் தாமரையாக உருவகம் செய்து தாமரைக்கு உள்ள
 குறைபாடுகள் முகத்திற்கு இல்லை என்று விளக்கியமை காண்க.

     இது தெற்றுருவகம் எனவும் பெயர் பெறும்.