[சான்றோருக்குத் துறவொழுக்கம மேற்கொள்ளப்பட்டதாக அதற்கு ஏலாததாகிய
 கூடாவொழுக்கமும், தூய உணவுகள் பலவும் இருக்கவும் புலாலைத் துறவாது
 அதனோடு உண்ணும் உணவும், உலகறய மணந்த கணவன் கட்கான் தெய்வமாக
 இருப்பவும் மகளிர் வேற்றுத் தெய்வத்தை வழிபடுதலும் ஏற்புடைய செயலாகக்
 கொள்ளப்படுவது அன்று.

     இப்பாடலில் "ஒன்று உண்டாக வைக்கற்பாற்றன்று" என்ற தொழிலை உணர்த்தும்
 இறுதியிலுள்ள சொற்றொடர் இளிவரவு, ஊண், தெய்வம் என்ற ஒவ்வொன்றோடும்
 தனித்தனியே இயைந்து பொருள் தந்துள்ளமை காண்க. "வைக்கற்பாற்றன்று" என
 ஒருமையாய்நின்றது அதுபற்றியே என்க.]