"கடுவே கயல்எனக் கரந்துஅடும் கண்ணினை
     காமனும் காமுறும் காட்சிய காண்முகம்
     கிள்ளையின் கிளையும் கிளைத்தகைக் கிளையுடைக்
     கீரமும் கீர்த்தி கீரமும் கீரே
     குவடுஉடைக் குளிர்பொன் குன்றே குவிமுலை
     கூர்புதற் கூன்சிலை கூற்றுயிர் கூட்டுணும்
     கெடல்அருங் கெழுதகை கெழுமுபு கெழீஇய
     கேகயம் கேளொடும் கேடுஉறும் கேழ்இயல்
     கைபுனை கைக்குஇசை கைக்குஇணை கைத்துணை
     கொண்டல்உள் கொண்டன்ன கொண்டையும் கொடியுடை
     கோடாக் கோவலர் கோற்றொடி கோமான்
     கௌரவ கௌசிகள் கௌசிகம் கௌத்துவம்
     மணிஎனக் கொண்டு மனவீடு அளித்தோன்
     கண்ணன் குறுங்குடிக் கனவரை
     மண்ணகத்து உறையுளாய் வளர்நில மகட்கே"