:: TVU ::

செய்யுளியல் - நூற்பா எண் 19, 20	105

	முழுதும் - யா. வி. 55
	`ஒன்றும் இடைச்சீர் வருஞ்சீ ரொடுமுதற் சீர்கள்தெற்றும் என்றும் அளவடி ஈற்றடி அல்லன; ஈற்றடியும் நன்று மலர்காசு நாள்பிறப் பென்றிற்ற சிந்தடியே; `துன்றும் கடைச்சீர் புகாஎன்பர் வெள்ளையில் தூமொழியே.'
	- வீ. சோ. 113

	`வெள்ளைக்கு இயற்சீர் வெண்சீர் விரவி ஏற்கும் அளவடி ஈற்றடி சிந்தடி ஈற்றுச்சீர் அசைச்சீர் உக்குறள் மிகலுமாம்.'
	- தொ. வி. 220

	`வெள்ளையுள் பிறதளை விரவா; வெண்டளை ஒன்றாய்ச் செப்பல் ஓசையாம்; அஃதே ஏந்திசை வெண்சீர், இயற்சீர் தூங்கிசை, ஒழுகிசை இரண்டும் உளஎனில் ஆகும்.'
	- தொ. வி. 221

	`வெண்பா அளவடி வேண்டப் படுமே.'
	- மு.வீ. யா.செ.1

(19)

வெண்பாவகை

729.	குறளே நேரிசை இன்னிசை பஃறொடை சிந்தியல் எனஅஃது ஐந்துஎன மொழிப.

இது மேல் பொதுவகையான் கூறிய வெண்பா வகை இத்துணைத்து என்கின்றது.

இ-ள் : குறள் வெண்பாவும் நேரிசை வெண்பாவும் இன்னிசை வெண்பாவும்
பஃறொடை வெண்பாவும் சிந்தியல் வெண்பாவும் என்று முற்கூறிய வெண்பா ஐந்து
வகைப்படும் என்று கூறுவர் ஆசிரியர் என்றவாறு.

(20)

விளக்கம்

குறள் 2 அடி, நேரிசை இன்னிசை 4 அடி, பஃறொடை 5-12 அடி, சிந்தியல் 3
அடி, என அடிபற்றி ஐந்து பகுப்பாக வரையறுத்தவாறு.