:: TVU ::

செய்யுளியல் - நூற்பா எண் 21	115

விளக்கம்

உதாரணப் பாடல்களுக்கு ஒத்த சிதம்பரச் செய்யுட்கோவைப் பாடல்கள் சிறந்த
எடுத்துக்காட்டுக்களாக உளங்கொளத்தக்கன ஆதலின் அவற்றை நிரலே காண்பாம்.

இருவிகற்பக் குறள் வெண்பா :

	`அறனன்று மாதவ னென்ப துலகெந்தை தாள்காணார் நாணுக் கொள.'
	- 2

ஒருவிகற்பக் குறள் வெண்பா :

	`பூங்கொன்றைக் கண்ணியான் பொன்மன் றிறைஞ்சிடுக ஆங்கொன்றைக் கண்ணி யவர்.'
	- 1

இருவிகற்ப நேரிசை வெண்பா :

	`கறையரவுக் கஞ்சுறா தஞ்சுறூஉந் திங்கள் இறைவி நறுநுதலைக் கண்டு ;- பிறைமுடியோன் கைம்மான் நடமுவந்த காற்புலிக்கஞ் சாதஞ்சும் ; அம்மான் விழிமானைக் கண்டு.'
	- 5

ஒருவிகற்ப நேரிசை வெண்பா :

	`திருமுடியில் கண்ணியும் மாலையும் பாம்பு ; திருமார்பில் ஆரமும் பாம்பு ; - பெருமான் திருவரையில் கட்டிய கச்சையும் பாம்பு ; பொருபுயத்தில் கங்கணமும் பாம்பு.'
	- 4

இருவிகற்பத்து ஈராசிடை நேரிசை வெண்பா :

	`நீரில் குமிழி இளமை; நிறைசெல்வம் நீரில் சுருட்டும் நெடுந்திரைகள் ; - நீரில் எழுத்தாகும் யாக்கை; நமரங்காள் என்னே? வழுத்தாத தெம்பிரான் மன்று.'
	- 9