:: TVU ::

242	இலக்கண விளக்கம் - பொருளதிகாரம்

	போகாது வழங்கும் ஆரிருள் நடுநாள், பௌவத் தன்ன பாயிருள் நீந்தி, இப்பொழுது வருகுவை ஆயின், நற்றார் மார்ப! தீண்டல்எம் கதுப்பேழு
	- யா. கா. 43 மே.

எனவும்,

நெடில் எதுகைக்குச் செய்யுள் :

	`ஆவா என்றே அஞ்சினர் ஆழ்ந்தார் ஒருசாரார்; கூகூ என்றே கூவிளி கொண்டார் ஒருசாரார்; மாமா என்றே மாய்ந்தனர் நீந்தார் ஒருசாரார்; ஏகீர் நாய்கீர், என்செய்தும் என்றார், ஒருசாரார்ழு
	- யா. கா. 43 மே.

எனவும்,

நெடில் மோனைக்குச் செய்யுள் :

	`ஆர்கலி உலகத்து மக்கட் கெல்லாம் ஓதலின் சிறந்தன்று ஒழுக்க முடைமைழு
	- யா. கா. 34 மே; முதுமொழி 1

எனவும் வரும்.

இன எதுகை மூன்று வகைப்படும்; வல்லின எதுகையும் மெல்லின எதுகையும்
இடையின எதுகையும் என. அவற்றுள், வல்லின எதுகைக்குச் செய்யுள் :

	`தக்கார் தகவிலர் என்ப தவரவர் எச்சத்தாற் காணப் படும்ழு
	- குறள் 114

எனவும், [ககர ஒற்றும் சகர ஒற்றும்]

மெல்லின எதுகைச் செய்யுள் :

	`அன்பீனும் ஆர்வ முடைமை; அதுஈனும் நண்பென்னும் நாடாச் சிறப்பு.ழு
	- குறள் 74

எனவும், [னகர ஒற்றும் ணகர ஒற்றும்]