:: TVU ::

செய்யுளியல் - நூற்பா எண் 39	245

இடையின எதுகைக்குச் செய்யுள் :

	கேளார் கொல்லோ? காதலந், தோழி ! வாடாப் பௌவம் அறமுகந் தெழிலி பருவம் பொய்யாது வலனேர்பு வளைஇ, ஓடா மலையன் வேலின் கடிது மின்னும்;இக் கார்மழைக் குரலே'
	- யா. கா. 143 மே.

என வரும்.

இரண்டடி எதுகைக்குச் செய்யுள் :

	`துவைக்கும் துளிமுந்நீர்க் கொற்கை மகளிர் அவைப்பதம் பல்லிற்கு அழகுஒவ்வா முத்தம்; மணங்கமழ்தார் அச்சுதன் மண்காக்கும் வேலின் அணங்கும், அமுதமும், அந்நலார் பாடல்'
	- யா. கா. 143 மே.

என வரும்.

ஒன்று என முடித்தலான் இரண்டடிமோனையும் வரும்; அதற்குச் செய்யுள்:

	`ஆகங் கண்டக ராலற்ற ஆடவர் ஆகங் கண்டகத் தாலற்ற அன்பினர், பாகங் கொண்டு பயோதரம் சேர்த்தினார்; பாகங் கொண்டு பயோதரம் நண்ணினார்'
	- யா. கா. 43 மே.

என வரும்.

மூன்றாம் எழுத்து ஒன்று எதுகைக்குச் செய்யுள் :

	`பவழமும் பொன்னும் குவைஇய முத்தின் திகழரும் பீன்றன புன்னை'
	- யா. கா. 43 மே.

என வரும். [ழகரம் எதுகை]

இங்ஙனம் ஒருசார் உயிர்எதுகை முதலாயின வருதல் உளவாயினும் பெரியதொரு
சிறப்பில எனக் கொள்க.