:: TVU ::

284	இலக்கண விளக்கம் - பொருளதிகாரம்

அகப்பாட்டுவண்ணம் முடியாத் தன்மையான் முடித்தல் மேலதாம்;

(இறுதி அடி இடையடி போன்று நிற்பது.)

	`அகப்பாட்டு வண்ணம், முடியாத் தன்மையின் முடித்தல் மேற்றே'
	- தொ. பொ. 536

என்ப ஆகலின்,
வரலாறு :

	`பன்மீன் உணங்கல் படுபுள் ஒப்பியும் புன்னைநுண் தாது நம்மொடு தொகுத்தும் பன்னாள் வந்து பணிமொழி பயிற்றியும் மணந்ததற் கொவ்வான் தணந்துபுற மாறி இனைய னாகி ஈங்குனைத் துறந்தோன், பொய்தல் ஆயத்துப் பொலந்தொடி மகளிரொடு கோடுயர் வெண்மணல் ஏறி, ஓடுகலன் காணும் துறைவன்; தோழி !'
	- யா. வி. 95 மே.

என வரும்.

புறப்பாட்டுவண்ணம் முடிந்தது போன்று முடியாதாகி வரும்;

(இறுதியடிப் புறத்ததாகவும் தான் முடிந்தது போன்று நிற்பது.)

	`புறப்பாட்டு வண்ணம், முடிந்தது போன்று முடியா தாகும்'
	- தொ. பொ. 537

என்ப ஆகலின்,
வரலாறு :

	`நிலவுமணல் அகன்துறை வலவன் ஏவலின் எரிமணிப் புள்ளினம் ஒலிப்ப நெருநலும் வந்தன்று கொண்கன் தேரே; இன்றும் வருகுவ தாயின் ஒன்றுபு துதைந்த புன்னைத் தாதுகு தண்பொழில் அகத்து,