:: TVU ::

304	இலக்கண விளக்கம் - பொருளதிகாரம்

	`இயற்பெயர் சார்த்தி எழுத்தளபு எழினே இயற்பாடு இல்லா எழுத்தா னந்தம்.' `இயற்பெயர் மருங்கின் மங்கலம் அழியத் தொழிற்சொல் புணர்ப்பினது சொல்லா னந்தம்'. `இறைச்சிப் பொருளை ஊறுபடக் கூறினும் புகழ்ச்சிக் கிளவியின் பொருந்தா ஆயினும் உவமைக் காட்சியின் ஊனம் தோன்றினும் இவைஅல பிறவும் இன்னன வரினே அவைஎன மொழிப பொருளா னந்தம்.' `முதல்தொடை மருங்கின் மொழிநிறுத் தொருபெயர் இடைப்படுத் தவ்வழி இடுஞ்சீர்ப் படினே வாய்ப்ப நோக்கி வல்லோர் கூறிய யாப்பா னந்தமென் றறிதல் வேண்டும்.' `தாழா மரபினர் யாழொடு புணர்ந்த பாவகை ஒருவனைப் பாடுங் காலைத் தொல்வகை மரபின் அவன்பெயர் தோற்றி ஏங்கினும் இடுங்கினும் எழுந்துபிரிந் திசைப்பினும் தூங்கினும் குழறினும் தூக்கா னந்தம்' `அளபெடை மருங்கின் பாடப் படுவோன் பெயரொடு தொடுப்பின் பெற்றியின் வழுவாத் தொடையா னந்தம் எனவே துணிக.' `உருவி ஆகிய ஒருபெருங் கிழவனை அருவி கூறுதல் ஆனந் தம்மே.' `யாப்பினுள் எழுத்துச் சொற்பொருள் யாப்பணிக் குற்றமும் உவமைவகை குறிக்குமா னந்தமும் வாரா துரைப்பது வழுவில ஆகும்.'

	`எழுத்துக் குற்றம் எழுத்திலக் கணத்தில் வழுத்திய முறையின் மாறு பட்டு வருவ தாமென வழுத்தப் படுமே.'
	- 43