:: TVU ::

செய்யுளியல் - நூற்பா எண் 10, 11	71

இ-ள் : குறள் அடியும் சிந்தடியும் அளவடியும் நெடிலடியும் கழிநெடிலடியும் என
முற்கூறிய அடி ஐந்து வகைப்படும் என்றவாறு.

(10)

விளக்கம்

	நிறுத்தமுறை - முதல் நூற்பா.

ஒத்த நூற்பாக்கள்

	`குறள்சிந்து அளவு நெடில்கழி நெடிலென்று ஐவகை மரபின அடிவகை தாமே.'
	- காக்கை

	`தடுத்தன தட்டத் தளைபல தழுவியும் அடுத்த சீரின் அடியெனப் படுமே.'

	`குறளடி சிந்தடி அளவடி நெடிலடி கழிநெடில் அடியெனக் கட்டுரைத் தனரே.'
	- யா. வி. 23

	`அடியென்ப தளைத்த அம்சீராம் நடை; அவை குறளடி இருசீர் சிந்தடி முச்சீர் அளவடி நாற்சீர் ஐஞ்சீர் நெடிலடி கழிநெடி லடிஐந்தே கடந்தசீர் இவற்றுள் எண்சீர் மிக்கடி எனின்சிறப்பு அன்றே.'
	- தொ. வி. 211	10

ஐவகை அடிகளின் சீர்கள்

720.	குறள்ஒரு பந்தம், இருதளை சிந்தாம், முத்தளை அளவடி, நால்தளை நெடில்அடி, ஐந்தளை முதலா எழுதளை காறும் வந்தவும் பிறவும் கழிநெடில், என்ப.

இது முற்கூறிய அடிகள் ஆமாறு கூறுகின்றது.

இ-ள் : ஒரு தளையான் வந்த அடியினைக் குறள் அடி என்றும், இரு தளையான்
வந்த அடியினைச் சிந்தடி