இ - ள் : வெண்பாவும் ஆசிரியப்பாவும் கலிப்பாவும் வஞ்சிப்பாவும் எனத்
தத்தம் தன்மையான் தெரிந்து சொல்லப்பட்ட பா நான்கு வகைப்படும் என்றவாறு. |
| 17 |
| விளக்கம் |
தொடக்கத்தில் வெண்பாவும் ஆசிரியமுமே தோன்றின; பின் வெண்பா
நடைத்தாகிய கலியும் ஆசிரியநடைத்தாகிய வஞ்சியும் தோன்றப் பாக்கள் நான்காயின
என்பர் தொல்காப்பியனார்.
நிறுத்த முறை - முதல் நூற்பா.
பா என்பது சேட்புலத்து ஒருவன் எழுத்தும் சொல்லும் புலனாகாத வகையில்
பாடம் ஓதுங்கால் அவன் ஓதுகின்றதனை இன்னது என விகற்பித்து உணர்தற்கு
ஏதுவாய பரந்துபட்டுச் செல்லுவதோர் ஓசைத் தொகுதி ஆகவே ஓசைபற்றிப் பாக்கள்
வரையறுக்கப்பட்டன. |
| ஒத்த நூற்பாக்கள் |
| |
| | `பாவிரி மருங்கினைப் பண்புறத் தொகுப்பின்
ஆசிரி யப்பா வெண்பா என்றாங்கு
ஆயிரு பாவினுள் அடங்கும் என்ப.' | | | | - தொல். பொ. 419 | | |
| | `ஆசிரிய நடைத்தே வஞ்சி; ஏனை
வெண்பா நடைத்தே கலிஎன மொழிப.' | | | | - தொல். பொ. 420 | |
| | `ஆசிரியம் வஞ்சி வெண்பாக் கலியென
நாலியற்று என்ப பாவகை விரியே.' | | | | - தொல். பொ. 417 | | |
| | `செய்யுள் தாமே மெய்பெற விரிப்பின்
பாவே பாவினம் எனஇரண்டு ஆகும்.' | | | | யா. வி. 54 | | |