புணர்ச்சியின் பொது விளக்கம் கூறுகின்றது.

     உரை : உயிரையும் மெய்யையும் முதலாகவும், ஈறாகவும் உடைய
பகுபதம், பகாப்பதம் ஆகிய இரண்டு சொற்களும் தம்மொடு தாமும்
பிறவொடு பிறவுமாய் உயிரீற்றுச் சொற்கள் உயிர்முதன் மொழியோடும்
மெய்யீற்றுச் சொற்கள் மெய்முதன் மொழியோடும் உயிரீற்றுச் சொற்கள் மெய்
முதன் மொழியோடும் மெய்யீற்றுச் சொற்கள் உயிர் முதன் மொழியோடும்
புணரும் போதும் இயல்பாகவும் விகாரமாகவும் புணரும். இருபத்து நான்கு
எழுத்துக்களை ஈற்றில் (12 உயிர், 5 மெல்லினம், 6 இடையினம், 1
குற்றியலுகரம்) உடைய சொற்கள் பதினான்கு வகைச் சொல்லோடு (பெயர்
முன்பெயர், வினை, இடை, உரி; வினைமுன் பெயர், வினை, இடை, உரி;
இடைமுன் பெயர், வினை, இடை, உரி;