உதாரணமாக இலக்கணக்கொத்து ஆசிரியர் கொடுத்துள்ளார். அரிசியைச்
சோறாக ஆக்குகின்றான் என்ற புதைநிலை வாக்கியமே அரிசியால் சோறு
ஆக்குகிறான் என்று வந்துள்ளது என்று கருதி இரண்டாம் வேற்றுமை
மூன்றாம் வேற்றுமை உருபில் வந்துள்ளது என்று அவர் கருதியிருக்க
வேண்டும்.

     அவட்குக் கொள்ளும் இவ்வணிகலம் - இவளைக் கொள்ளும் இவ்வணி
என்று பொருள்படுவதால் இரண்டாம் வேற்றுமை நான்காம் வேற்றுமை
உருபில் வந்துள்ளது.

     பழியின் அஞ்சும் (பழியை அஞ்சும்): 2ஆம் வேற்றுமைக்கு
     ஐந்தாம் வேற்றுமை உருபு வந்துள்ளது.

     நூலது குற்றம் கூறினான் - நூலைக்குற்றம் கூறினான் -
     6 ஆம் வேற்றுமை ஏற்றது.

     கோட்டின்கண் குறைத்தான் - கோட்டைக் குறைத்தான்
     7ஆம் வேற்றுமை ஏற்றது.

     நான்காம் வேற்றுமையும் ஏனைய எல்லா வேற்றுமை உருபைப் பயன்படுத்திக் கொள்ளும்.

1 ஆம் வே : இரப்பவர் என் பெறினும் கொள்வர் - இரப்பவர்க்கு என்ன
            கொடுத்தாலும் கொள்வர் (இலக்கண விளக்கத்தில் உள்ள
            உதாரணம்.)

2 ஆம் வே : செய்யவள் தவ்வையைக் காட்டி விடும் (குறள்167) - திருமகள்
            தவ்வைக்குக் காட்டிவிடும்.

3 ஆம் வே : நாகராற்பலி - நாகர்க்குப்பலி

5 ஆம் வே : அவனின் இவன் நல்லன் - அவனுக்கு இவன் நல்லன்

6 ஆம் வே : நாகரது பலி - நாகர்க்குப் பலி