இதுவும் அடுத்த சூத்திரமும் வஞ்சித் திணையை விளக்குவன.

     உரை: முல்லைத்திணைக்குப் புறமாக வருவது வஞ்சித் திணை. அது
பகைவர் நாட்டின் மேற்சென்று போரிட்டு வெற்றி பெறக் கருதுவது. 1. அரசன்
வஞ்சிப்பூவைச் சூடிக் கொள்ளுதல், 2. படைகள் எழுச்சியினால் ஏற்படும்
அரவம், 3. அரசன் குடையைப் புறவீடு விடுதல், 4. அரசர் படையெடுத்துச்
செல்லும் நாள் குறிப்பிடுதல், 5. கொற்றவைநிலை, 6. கொல்லர்
போர்க்கருவிகளைச் செய்யும் தொழிலைக்கூறுதல், 7. அரசனைப்புகழ்ந்து
அவனது தன்மையைக் கூறுதல், 8. பகைவர்களை அழிக்கும் அரசனைப்
புகழ்ந்து பகைவர் நாடு அழிவதற்கு வருந்துகின்ற கொற்றவள்ளை, 9.
போரிடுகின்ற வீரர்க்கு அருள் செய்கின்ற பேராண் வஞ்சி, 10. தோற்ற
அரசனிடம் திறையைப்பெற்று அரசன் அந்நாட்டை விட்டு நீங்குவது, 11.
பரிசுபெற்றோர் அரசனுடைய வள்ளல் தன்மையைச் சொல்லும் வீரர்களின்
நிலையை (மாராய வஞ்சி).

     பாட விளக்கம் : வேல்உளவர் (2வது வரி) என்பது மூலபாடம்.