சுட்டெழுத்து

26. அ, இ, உச்சுட் டாமென மொழிப.

(இ-ள்.) அவன் என அகரமும், இவன் என இகரமும், உவன் என உகரமும் தனித்துச்
சுட்டுப்பொருளைத் தரின் சுட்டெழுத்தாமென்க. (26)

வினாவெழுத்து

27. எயா வினாவென் றிசைக்கப் படுமே.

(இ-ள்.) எவன் என எகரமும், யாவன் என யாகாரமும் தனித்து வினாப்பொருளைத்
தரின் வினாவெழுத்தாகும். (27)

ஆய்தத்தின் மறு பெயர்கள்

28. அஃகேனந் தனிநிலை யாய்த மாகும்.

(இ-ள்.) அஃகேனம் எனினும் தனிநிலை எனினும் ஆய்தம் எனினும் ஒரு
பொருட்கிளவி. (28)

சுட்டென்பதின் மறு பெயர்கள்

29. காட்டல் குறித்தல்சுட் டாங்கரு திடினே.

(இ-ள்.) காட்டலெனினும், குறித்தலெனினும், சுட்டென்னும் ஒருபொருட்கிளவி. (29)

வினாவென்பதின் மறு பெயர்கள்

30. வினவல் கடாவல் வினாவெனப் படுமே.

(இ-ள்.) வினவல் எனினும் கடாவல் எனினும் வினாவென்னும் ஒருபொருட்
கிளவியாமெனவறிக. (30)

அளபெடை

31. இசைகெடி னெட்டெழுத் தெல்லாந் தமக்கினம்
    ஆகிய குறிலொடு மளபெழு மெனலே.

(இ-ள்.) பாட்டின் ஓசை கெடவரின் நெட்டுயிரேழும் தமக்கினமாகிய குற்றுயிரோடு ‘ஆ
அ வலவன்’, ‘ஈ இரிரை’