னகரம் விளியேற்குமாறு

568. அன்னெ னிறுதி யாவா கும்மே.

(இ-ள்.) முற்கூறியவற்றுள் அன்னென்னும் னகரவிறுதி ஆவாக விளிக்கும்.

(வ-று.) சோழன், சோழா.

(வி-ரை.) தொல்காப்பியத்துள் அவற்றுள் என்ற தனிச் சொல்லுடன் இந்நூற்பா
இடம்பெற்றுள்ளது. (111)

னகரம் அண்மைக்கண் விளியேற்குமாறு

569. அண்மைக் கிளவிக் ககர மாகும்.

(இ-ள்.) அண்மை விளிக்கண் அகரமாய் விளிக்கும்.

(வ-று.) துறைவன், துறைவ; ஊரன், ஊர. (112)

ஆன் என்பது விளியேற்குமாறு

570. 1 ஆனென் னிறுதி யியற்கை யாகும்.

(இ-ள்.) ஆனென்னும் னகரவிறுதிப்பெயர் இயல்பாய் விளிக்கும்.

(வ-று.) மலயமான், சேரமான். (113)

பண்புகொள் பெயர் விளியேற்குமாறு

571. பண்புகொள் பெயரா னாயா கும்மே.

(இ-ள்.) ஆனிறுதி னகரவீற்றுப் பண்புப்பெயர் ஆயாக விளிக்கும்.

(வ-று.) கரியான், கரியாய். (114)

தொழிற் பெயர் விளியேற்குமாறு

572. தொழிற்பெயர்க் கிளவி யவற்றோ ரற்றே.

(இ-ள்.) ஆனிறுதித் தொழிற்பெயர் னகரவீற்றுப் பண்புப் பெயரைப்போல ஆயாக
விளிக்கும்.

1. தொல் - சொல் - 132.