(வ-று.) வந்தான், வந்தாய்; சென்றான், சென்றாய். (115)

அளபெடைப் பெயர் விளியேற்குமாறு

573. 1 அளபெடைப் பெயரே யளபெடை யியல.

(இ-ள்.) ஆனீற்றளபெடைப் பெயர் இகரவீற்றளபெடையைப் போல மூன்று மாத்திரையின் நீண்டு இயல்பாய் விளிக்கும்.

(வ-று.) உம்பர்கிழாஅஅஅன். (116)

முறைப் பெயர் விளியேற்குமாறு

574. முறைப்பெயர்க் கிளவி யேயொடு சிவணும்.

(இ-ள்.) னகரமெய்யீற்று முறைப்பெயர்ச்சொல் ஏகாரம் பெற்று விளிக்கும்.

(வ-று.) மகனே. (117)

விளியேலாப் பெயர்கள்

575. யானவ னிவனுவன் விளியே லாவே.

(இ-ள்.) யான், அவன், இவன், உவன் விளியேலாவாம். (118)

இதுவுமது

576. யாவனு மவ்வியல் பிற்றா கும்மே.

(இ-ள்.) யாவனென்னும் வினாப் பெயரும் விளியேலாவாம். (119)

ஆர், அர், என்பன விளியேற்குமாறு

577. 2 ஆரு மருவு மீரொடு சிவணும்.

(இ-ள்.) ரகர மெய்யிறுதியாகிய ஆர், அர், ஈராக விளிக்கும்.

(வ-று.) பார்ப்பார், பார்ப்பீர், கூத்தர், கூத்தீர். (120)

1. தொல் - சொல் - 135.

2. தொல் - சொல் - 138.