வியங்கோள் ஏவற்பொருட்டாய் வருவது; முன்னிலை எதிர் நின்றான் றொழிலுணர்த்துவது;
வினையெச்சம், வினையையொழிபாக வுடையவினை; செய்மன, மனவீற்றுமுற்றாய் எதிர்கால
முணர்த்துவது; வேறு, தன்னை யுணர்த்திநின்றது; செய்த அகரவீற்று எச்சமாய் இறந்தகால
முணர்த்தியது. (23)

முன்னிலை ஒருமைவினை

617. ஐயா யிறுதி முன்னிலைக் கிளவி
     ஒருவ னொருத்தி யொன்றற்கு முரிய.

(இ-ள்.) முற்கூறியவற்றுள் ஐயும், ஆயும், இறுதியாகிய முன்னிலை வினைச்சொல்,
ஒருவற்கும், ஒருத்திக்கும், ஒன்றற்கு முரியவாம்.

(வ-று.) உண்டனை, உண்டாய். (24)

இதுவுமது

618. இகர விறுதியு மவற்றோ ரற்றே.

(இ-ள்.) இகரவீற்று முன்னிலைப்பெயரும், ஒருவற்கும், ஒருத்திக்கும், ஒன்றற்கு
முரியவாம்.

(வ-று.) உரைத்தி. (25)

முன்னிலைப்பன்மை வினை

619. இர் ஈர் மின்னீ றாம்பெயர்க் கிளவி
     பல்லோர் மருங்கினும் பலவொடுஞ் சிவணும்.

(இ-ள்.) இர், ஈர், மின், ஈறாகிய மொழி பல்லோர் கண்ணும் பலவற்றின் கண்ணும்
பொருந்தும்.

(வ-று.) உண்டனிர், உண்டீர், உண்மின். (26)

ஐம்பால், மூவிடத்திற் குரியன

620. முன்னிலை யொழியமற் றேனைய வெல்லாம்
     ஐம்பான் மூவிடத் தொடுநிலை பெறுமே.

(இ-ள்.) முன்னிலை வினையொழிய மற்றையவாறும் மூன்றிடம் ஐம்பாற்கு முரியவாம்.