புரை, உரு

671. புரையுயர் பாம்உரு வுட்கா கும்மே.

(இ-ள்.) புரை, உயர்பாகும், உருவு, உட்காகுமென்க.

(வ-று.) ‘புரைய மன்ற புரையோர் கேண்மை’ (நற் - 1) (29)

செல்லல், இன்னல்

672. செல்லலு மின்னலு மின்னா மையே.

(இ-ள்.) செல்லலும், இன்னலும், இன்னாமையென்னுங் குறிப்பை யுணர்த்தும்.

(வ-று.) ‘மணங்கமழ் வியன்மார் பணங்கிய செல்லல்’ (அகம் -22) ‘வெயில்புறந்
தழூஉ மின்ன லியக்கத்து’ (மலைபடு - 374) (30)

மல்லல், ஏ

673. மல்லல் வளனே ஏபெற் றாகும்.

(இ-ள்.) மல்லலென்பது வளமும், ஏ யென்பது பெற்றும் ஆகிய குறிப்பைத்
தெரிவிக்கும்.

(வ-று) ‘மல்லன்மால்வரை’ (அகம்-52) ‘ஏகலடுக்கம்’ (நற்-116) (31)

உகப்பு, உவப்பு

674. 1 உகப்பே யுயர்த லுவப்பே யுவகை.

(இ-ள்.) உகப்பென்பது-உயர்தலும், உவப்பென்பது-உவகையும் தரும்.

(வ-று.) விசும்புகந்தாடாது, ‘உவந்துவந்து’ (அகம்-35) எனவரும். (32)

பசப்பு, பயப்பு

675. பசப்பே நிறம்பயப் பேபய னாகும்.

(இ-ள்) பசப்பென்பது-நிற வேறுபாடும், பயப்பென்பது-பயனுந் தரும்.

1. தொல் - சொல் - உரி - 9.