இதுபற்றி 473, 474 ஆம் நூற்பாக்களில் முன்னரும் விளக்கி யுள்ளனர் ஆசிரியர். ஆண்டும் காண்க. (55)

இயற்கைப் பொருள்

698. 1 இயற்கைப் பொருளை யிற்றெனக் கிளத்தல்.

(இ-ள்.) தன்னியல்பில் திரியாதுநின்ற பொருளை அதனினியல்பு கூறுங்கால் ஆக்கமுங்
காரணமுங் கொடாது இற்றெனக் கூறுக.

(வ-று.) நிலம்வலிது, நீர் தண்ணிது, பிறவுமன்ன. (56)

செயற்கைப் பொருள்

699. 2 செயற்கைப் பொருளை யாக்கமொடு செப்பல்.

(இ-ள்.) காரணத்தால் தன்மைதிரிந்த பொருளை அத்திரிபு கூறுங்கால்
ஆக்கங்கொடுத்துக் கூறுக. (57)

ஆக்கப் பொருள்

700. 3 ஆக்கந் தானே காரண முதற்றே.

(இ-ள்.) செயற்கைப் பொருளை ஆக்கமொடு கூறுங்காற் காரணத்தை முற்கூறி
யதன்வழி ஆக்கங் கூறுக.

(வ-று.) மயிர் நல்லவாயின, எருப்பெய்து களைகட்டு நீர் கால்யாத்தமையாற்
பைங்கூழ் நல்லவாயின. (58)

மேலதற்கோர் சிறப்புவிதி

701. வழக்கினு ளாக்கங் காரண மின்றியும்
     வருமா ராயுங் காலத் தானே.

(இ-ள்.) வழக்கினுள் காரண முதற்று எனப்பட்ட ஆக்கச்சொல் காரணமின்றியும் வரும்.

(வ-று.) பயிர் நல்லவாயின, மயிர் நல்லவாயின. (59)

1. தொல் - சொல் - கிளவி - 19.

2. ’’ ’’ ’’ 20.

3. ’’ ” ’’ 21.