குறிப்பறிந்து கூறல்

என்பது, குறிப்பறிந்து முகங்கண்டு, அது வழியாகநின்று, யானைகடிந்த பேருதவியார்
கையிற்றழையும் துவளத்தகுமோ, அது துவளாமல், யாம் அவர் குறைமுடிக்க வேண்டாவோ
வெனத் தோழி நயப்பக்கூறா நிற்றல்.

(வ-று.)

தவளத்த நீறணி யுந்தடந் தோளண்ணல் தன்னொருபால்
அவளத்த னாமக னாந்தில்லை யானன் றுரித்ததன்ன
கவளத்த யானை கடிந்தார் கரத்தகண் ணார்தழையும்
துவளத் தகுவன வோசுரும் பார்குழல் தூமொழியே. (திருக். 112)

(கு-ரை.) தன் கூற்றில் இருக்கும் உமைக்குத் தந்தையாயும், மகனாயும் இறைவன்
விளங்குபவன் என்றது சில தத்துவத்தினின்றும் சத்தி தத்துவம் தோன்றுதலையும், சத்தி
தத்துவத்தினின்றும் சதாசிவ தத்துவம் தோன்றுதலையும் உட்கொண்டதாகும்.

வகுத்துரைத்தல்

என்பது, உதவி கூறவும் பெருநாணினளாதலின், தழை வாங்கமாட்டாது நிற்ப,
அக்குறிப்பறிந்து, இருவகையானும்