(இ-ள்.) முப்பத்துமூன்றா மெய்யாகிய ஹ முதலில் அகரமும், நடுவிற் ககரமுமாகத்
திரியும்.

(வ-று.) அரன், மோகம். (19)

க்ஷ இரு ககரமாகத் திரிதல்

134. ஐந்தலை யிட்ட வாறைந் திருகவ்வே.

(இ-ள்.) முப்பத்தைந்தா மெய்யாகிய க்ஷ இரண்டு ககரமாகத் திரியும்.

(வ-று.) அக்கரம். (20)

ஆகார இறுதி ஐகாரமாதல்

135. ஆகார விறுபெய ரைகார மாகும்.

(இ-ள்.) ஆகார விறுதிப் பெயர்கள் ஐகாரமாகத்திரியும்.

(வ-று.) மாலை. (21)

ஈகார இறுதி இகரமாதல்

136. ஈகார விறுபெய ரிகரமா மென்ப.

(இ-ள்.) ஈகார விறுதிப் பெயர்கள் இகரமாகத் திரியும்.

(வ-று.) புரி. (22)

ரகரம் மொழிக்கு முதலாகுமாறு

137. ரவ்விற் கம்முத லாமுக் குறிலு
     மொழிமுத லாகி முன்வரப் பெறுமே.

(இ-ள்.) ரகரமெய்க்கு அ, இ, உ ஆகிய மூன்று குற்றெழுத்துக்களிலொன்று மொழிக்கு முதலாகி முன்னர்ப்போதரும்.

(வ-று.) அரங்கம், இராமன், உரோமம். (23)

லகரம் மொழிக்கு முதலாகுமாறு

138. இ, உ, லகரமுன் னெதிர்தரு மென்ப.