மின்னுளதான் மேக மிசையுளதான் மற்றதுவும்
என்னுளதா நண்பா வினி. (தண்டி-மேற்) (31)

ஏகதேச வுருவகம்

1185. ஒருபொரு ளுருவகஞ் செய்துமற் றொருபொருள்
      உருவகஞ் செய்யா துரைத்துப் போதரல்
      ஏகதே சப்பொரு ளென்மனார் புலவர்.

என்பது, ஒருபொருளை யுருவகஞ்செய்து வேறாகிய ஒருபொருளை யுருவகஞ்
செய்யாது வரல் ஏகதேச வுருவகம்.

(வ-று.)

உரனென்னுந் தோட்டியா னோரைந்துங் காப்பான்
வரனென்னும் வைப்புக்கோர் வித்து. (குறள்-24) (32)

பலபடப் புனைவணி

1186. பலரு மொருபொரு ளிற்பல தருமங்
      களினாற் பலபொருள் களையெடுத் துரைத்தல்
      பலபடப் புனைவெனப் பகரப் படுமே.

என்பது, ஒருபொருளிற் பலரும் பலவறங்களால் பல பொருள்களை யெடுத்துக்
கூறல் பலபடப்புனைவணி.

(வ-று.)

ஆரணங் காணென்ப ரந்தணர் யோகிய ராகமத்தின்
காரணங் காணென்பர் காமுகர் காமநன் னூலதென்பர்
ஏரணங் காணென்ப ரெண்ண ரெழுத்தென்ப ரின்புலவோர்
சீரணங் காயசிற் றம்பலக் கோவையைச் செப்பிடினே. 

(திருக்கோவையாரைப் பற்றியது) (33)