1208. குற்றத் தாற்குணங் குறுகுத னோக்கி
      அக்குற் றத்தினை யவாவுதல் வேண்டல்
      அணியா மென்மனா ரறிந்திசி னோரே.

என்பது, குற்றத்தினாலே குணமுண்டாதலையறிந்து அக்குற்றத்தை விரும்பல்
வேண்டலணி.

(வ-று.)

வெண்டிரு நீறு புனையுமா தவர்க்கு
விருந்துசெய் துறுபெரு மிடியுங்
கொண்டநல் விரதத் திளைக்கும்யாக் கையுநீ
கொடியனுக் கருளுநா ளுளதோ. (55)

மறையணி

1209. பொதுக்குணத் தாலிரு பொருள்களுக் குரிய
      வேற்றுமை வெளிப்படா திருப்பது மறையே.

என்பது, பொதுமைக் குணத்தால் இரண்டு பொருள்களுக்கு உரிய வேறுபாடு
தோன்றாமை மறையணி.