(வ-று.)

சுற்றுவிற் காமனுஞ் சோழர் பெருமானாங்
கொற்றப்போர்க் கிள்ளியுங் கேழொவ்வார்-பொற்றொடி
ஆழி யுடையான் மகன்மாயன் சேயனே
கோழி யுடையான் மகன். (தண்டி-மேற்)

மாயன் - கறுப்பு. சேயன் - சிவப்பு. கோழி - உறையூர். (72)

முயற்சி வேற்றுமை

1226. முயற்சியால் வேறு படுவது முயற்சி
      வேற்றுமை யென்மனார் மெய்யுணர்ந் தோரே.

என்பது, முயற்சியால் வேறுபடல் முயற்சி வேற்றுமையணி.

(வ-று.)

புனனாடர் கோமானும் பூந்துழாய் மாலும்
வினைவகையான் வேறு படுவர்-புனனாடன்
ஏற்றெதிர்ந்து மாற்றலர்பா லெய்தியபார் மாயவனும்
ஏற்றிரந்து கொண்டமையா லின்று. (தண்டி-மேற்) (73)

இருபொருள் வேற்றுமை

1227. இருபொருள் புணர்ந்தவற் றியல்பெடுத் துரைப்பில்
      ஏய்ப்பினு முயரினு மிருபொருள் வேற்றுமை.

என்பது, இரண்டு பொருள்கூடி அவற்றி னிலக்கணம் கூறுங்கால், ஒப்பினும்
உயரினும் இருபொருள் வேற்றுமையணி.

(வ-று.)

மலிதேரான் கச்சியு மாகடலுந் தம்முள்
ஒலியும் பெருமையு மொக்கும்-மலிதேரான்
கச்சி படுவ கடல்படா கச்சி
கடல்படுவ வெல்லாம் படும். (தண்டி-மேற்) (74)

விலக்கு வேற்றுமை

1228. வருபொரு ளொதுக்கிவேற் றுமைப்பட வருவது
      விலக்குவேற் றுமையென விளம்பப் படுமே.

என்பது, வருகிற பொருளை விலக்கி வேற்றுமைப்படவரல் விலக்கு
வேற்றுமையணி.