அகர ஈற்றில் மிகாதன

241. வியங்கோ ளண்மை விளியு முவமையுஞ்
     செய்த செய்யிய வெனுமீ ரெச்சமும்
     அம்மவும் பலவு மிகாதியல் பாகும்.

(இ-ள்.) வியங்கோளும், அண்மை விளியும், உவமையும், செய்த வென்னும்
பெயரெச்சமும், செய்யியவென்னும் வினையெச்சமும், அம்மவென்னு முரையசைக்
கிளவியும், பலவும் மிகாதியல்பாம்.

(வ-று.) வாழிய கொற்றா, ஐய போகேல், பால்போல் சொல், செய்த சாத்தன்,
செய்யிய போனான் அம்ம கொற்றா, பல குதிரை. (82)

உரையசைச்சொல் நீண்டு வருதல்

242. அம்ம விறுதி நீட்டமும் வரையார்.

(இ-ள்.) அம்மவென்னு முரையசைக் கிளவியிறுதி நீட்டமும் வரையாது கொள்வார்.

(வ-று.) அம்மா கொற்றா.

(வி-ரை.)

‘‘உரைப்பொருட் கிளவி நீட்டமும் வரையார்’’ (உயிர்ம - 10)

என்பது தொல்காப்பியம். (83)

வாழிய என்பதின் இறுதி உயிர்மெய் கெடுதல்

243. வாழிய விறுதி கெடுதலு முரித்தே.

(இ-ள்.) வாழியவென்னும் வியங்கோளீறு கெடுதலுமாம்.

(வ-று). வாழியகொற்றா, வாழிகொற்றா எனவரும். (84)

பலசில என்பன தம்முன் தாம் வருதல்

244. பலசில வெனுமிவை தம்முன் றாம்வரின்
     இயல்பு மிகலும் அகர மேக
     லகரம் றகர மாகலும் பிறவரின்
     அகரம் விகற்ப மாகலு முளபிற.1

1. நன் - எழுத் - உயிரீற் - 20.